Nokia 6 (2018) Launched With 4GB RAM, 64GB Storage & 16 Mega Pixel Camera

Hello Dosto, Kaafi intejaar ke baad Nokia 6 (2018) launched ho gaya hai. HMD Global ne akhirkar lambe intejar ke baad apna Nokia 6 (2018) smartphone ko China me launch kar diya hai. Aapko bata den Ki, Ye Device pichle saal launch huye Nokia ke Mid-Range smartphone Nokia 6 ka upgrade version hai. Nokia 6 (2018) smartphone abhi India me launch nahi hua hai. HMD Global ne abhi is smartphone ko sirf China me launch kiya hai. Aur iske alawa dusre country me ye smartphone kab tak launch hoga, iski koi jaankari abhi nahi di gayi hai. Nokia ke is naye smartphone ko do (2) color veriant ke saath utara gaya hai Black aur Silver.

Nokia 6 (2018) Launched With 4GB RAM, 64GB Storage & 16 Mega Pixel Camera


Nokia 6 (2018) Price And Availability

Naye Nokia 6 (2018) me rear mounted fingerprint sensor diya gaya hai. Iske alawa isme capacitive botton ki jagah On-Screen Navigation Botton diya gaya hai. Phone ko do veriant me utara gaya hai. 32GB aur 64GB storage ke saath. Purane Nokia 6 ki tarah Mattle Unibody ke saath naye Nokia 6 (2018) ko bhi utara gaya hai. Aur ise banane me 6000 Series Aluminium Sheet ka istemaal kiya gaya hai.

Keemat ki baat kare to 32 GB storage ki keemat 1,499 Yuan (Lagbhag 14,999 Indian Rupees) aur 64 GB  storage ki keemat 1,699 Yuan (Lagbhag 16,999 Indian Rupees) hai. Abhi Nokia 6 (2018) sirf china me launch hua hai. Jo  ki available hai china ke e-commerce website Suning par. Abhi is website me pre booking chal rahi hai. Iske bikri (Selling) 10 January se start hogi. [Pre-Booking ke liye Click Kare]


Nokia 6 (2018) Specification And Features

Nokia 6 (2018) smartphone me 5.5 inch ka Full HD IPS LCD Display hai. Jo ki 1920X1080 Pixel resolution ke saath diya gaya hai jiska Aspect Ratio 16:9 hai. Protection ke liye Cornig Gorilla Glass diya gaya hai. Is smartphone me 2.2 GHz ki speed ke sath Octa-Core Qualcomm Snapdragon 630 Processor diya gaya hai. Isma 4 GB RAM hai. Aur Storage ke liye 32 GB aur 64 GB ka option diya gaya hai. Saath hi Phone ki storage ko 128 GB tak Micro SD card ke jariye badhaya ja sakta hai. Nokia 6 (2018) hybrid sim slot ke saath aata hai. Yaani ki aap do sim card ya ek sim aur ek Micro SD card use kar sakte hai.




Nokia 6 (2018) Android ke latest version 8.0 Oreo par chalta hai. Isme 16 Mega Pixel ka Rear Camera, f/2.0 Aparture, Dual LED Flash ke saath diya gaya hai. Aur Saath hi Selfie ke liye f/2.0 Aparture ke sath 8 Megapixel ka front camera diya gaya hai. Isme ek aur khash feature diya gaya hai jo ki Dual Site Technology Support hai. Yaani ki Users ek saath Rear aur Front dono camera ek saath use kar sakte hai. Company ne is feature ko BOTHIE naam diya hai.


Power ke liye Nokia 6 (2018) me 3000 mAh ki Non-Removable Battery di gayi hai. Connectivity ke liye phone me 4G VoLTE ka support diya gaya hai. Iske alawa Bluetooth 5.0, Wi-Fi 802.11 a/b/g/n, GPS with A-GPS, Glonass diya gaya hai. Other Features ki bat kare to 3.5 mm Audio Jack, USB Type C, Fast Battery Charging, Aur Fingerprint (Rear Mounted), jaise aur bhi kayi features diye gaye hai. Iske alawa, Phone me kayi sensors diye gaye hai jaise :- Light Environment Sensor, accelerometer, gyroscope, proximity sensor, electronic compass aur fingerprint sensor.


Related Post :

Nokia 6 (2018) Launched With 4GB RAM, 64GB Storage & 16 Mega Pixel Camera Nokia 6 (2018) Launched With 4GB RAM, 64GB Storage & 16 Mega Pixel Camera Reviewed by Tech Hindi Gyan on January 06, 2018 Rating: 5

No comments:

Powered by Blogger.