Ghar Baithe Kare Aadhar Card Ko Mobile Number Se Link !!! Ye Hai Sahi Tarika

Hello Dosto, Agar abhi tak aapne apne mobile number ko aadhar card se link nahi karaya hai. To aapko bata de ki, Bharat Sarkar ne iski prakriya ko aur bhi asan bana diya hai. Bhale hi sarkar ne sim card ko aadhar number se jodhne ki aakhri taarik taal di hai, lekin reverification to abhi bhi jaari hai. Sarkar ki taraf se ye bahut hi rahat bhari khabar hai, un sabhi users ke liye jinhone abhi tak apne number ko aadhar se link nahi karaya hai.


Ghar Baithe Kare Aadhar Card Ko Mobile Number Se Link !!! Ye Hai Sahi Tarika



Kyunki, Ab unhe kisi retailer ya Telecom operator ke paas nahi jana padega. Ab wo sabhi ghar par hi apne mobile number ko aadhar card number se link kar sakte hai. Aapko bata de ki, ab ghar se hi ek number par call karke IVR / OTP ke jariye apne number ko aadhar se verify kar sakte hai. Phir chahe network koi bhi ho. Ye khabar rahat bhari hai, Kyunki ab tak users ko apne mobile number ko aadhar se jodhne ke liye telecom company ke store me jaane ke liye majboor the. Lekin ab users IVR seva ka istemaal karke apne ghar se hi mobile number ko aadhar se jodh sakte hai.



Mobile Number Ko Kare Aadhar Se Link


Aapko bata de ki, chahe aapke paas kisi bhi operator ka sim ho, e.g. Airtel, Vodafone, Idea, Jio, Etc. Sabhi network ke liye ek hi number dial kiya jayega. Yaani ki sabhi network ke liye toll free number common hai. Aapko call karna hai Toll-Free Number 14546 par. Aur iske baad IVR ke nirdeshon ka palan karna hai.





1) 14546 par call karne ke baad, Aapse aapki Nationality Yaani Nagrikta pucha jayega. Kya aap Indian hai ya NRI. Yahan par aapko sahi option choose karna hai.


2) Ab 1 dabakar apne number ko aadhar se link karne ko manjuri den.


3) Uske baad aapko apna Aadhaar number enter karna hai.


4) Iske baad aapke mobile number par OTP ka msg. aayega.

5) Ab aapko apna mobile number enter karna hai, jise aap aadhar se link karna chahte hai.


6) Uske baad Automatic Aapka Naam, Photo, Address, DOB, wagera UIDAI ke data base se le lega.


7)  Ab IVR aapke number ke last 4 digit bolega, Jisse ye conform ho sake ki aapne sahi number enter kiya hai.


8) Ab Number sahi hone par, Aapke number par ek OTP ka meg. aayega. Use aapko enter karna hoga.


9) Ab Akhiri me Aadhar - Mobile Number Verification Process ko complete karne ke liye 1 dabana hoga.


10) Agar aapke paas koi aur number bhi hai to 2 dabakar use bhi link kar sakte hai. Lekin is dauran aone dusre number ko paas me hi rakhe. Kyunki usme OTP ka msg. aayega.



Ab aapko bata de, ki Aadhar Aur Mobile number ko link karte samay jo OTP ayega, Wo 30 Minute tak Manya hota hai. To Dosto, is tarah se aap badi hi asani se apne kisi bhi mobile number ko apne aadhar card ke sath link kar sakte hai.



To Ummeed karta hu ki aapko mere bataye gaye sabhi steps samajh me aa gayi hogi. Agar abhi bhi aapka koi sawaal ya daut hai to aap hame comment karke puch sakte hai. Iske alawa is post ko sabhi ke sath share kijiye. aur Tech Hindi Gyan ko Follow / Subscribe kijiye. Taaki hamare sabhi naye post ki notifications aapko lagataar milti rahe.



Apna Kimti Samay Dene ke liye Aur Post padhne ke liye !!!


Thanks / Dhanyaawaad ☺☺☺☺ 





Related Posts :

Ghar Baithe Kare Aadhar Card Ko Mobile Number Se Link !!! Ye Hai Sahi Tarika Ghar Baithe Kare Aadhar Card Ko Mobile Number Se Link !!! Ye Hai Sahi Tarika Reviewed by Tech Hindi Gyan on Sunday, February 25, 2018 Rating: 5

No comments:

Powered by Blogger.