Ab Google Map Me Milega Mario Ka Sath | Mario Kya Hai | Kaise Istemaal Kare

Hello Dosto, Google Map ke naye update me ek bahut hi interesting feature add kiya gaya hai. Jiska naam hai Mario. Aapko bata de ki, 10 March ko Google Map ka letest update hua hai, Jisme Mario Feature ko Add kiya gaya hai. Ye Feature abhi sirf iOS yaani iPhone me aya hai. Aur Jald hi Android me bhi aa jayega. Jaisa ki aapko pata hoga ki bachpan me Mario game kitna popular hua karta tha. Aur Aap bhi mario game jaroor khele honge. To wahi mario Google Map me dikhayi dega. Wahi mario ab aapko Rasta batayega.


Ab Google Map Me Milega Mario Ka Sath | Mario Kya Hai | Kaise Istemaal Kare


Darshal, Google ne Mario Game banane wali company Nintendo ke sath 10 March ko Mario Day (MAR10) manane ke liye karar kiya hai. Google ke Prawakta ne ek website me kaha hai ki iske liye Nintendo aur google ke bich koi paise ki deal nahi hui hai. Pehle Google Map me Navigation ke dawran Teer (➤) chalta dikhayi deta tha. Ab us teer ke jagah par aapke bachpan ka super hero Mario apne car me baith kar chalta hua dikhayi dega aur aapko rashta batayega.




MARIO Kya Hai ?

Mario Video Game ka ek Character hai. Mario Game manane wali company ka naam Nintendo hai. Is Game ke naam par Spain me ek Road bhi hai. Is game ko 13 September 1985 me release kiya gaya tha. Sabse pehle Japan me is game ko release kiya gaya tha. Ye game 90 ke dashak me bahut hi popular game hua karta tha. Bache is game aur Mario character ke deewane hua karte the. Aur ab Yahi Mario character Google Map me nazar ayega. Aur hame Navigation Ke Dawran Rasta batayega.





MARIO kaise Istemaal Kare ?

Google Map me Mario ko use karne ke liye sabse pehle aapko Apne Google Map ko Update karna hoga. Uske baad Mario Feature ko istemaal kar payenge. Ye abhi iOS ke liye uplabdh kiya gaya hai. Aur Jald hi Android ke liye bhi ise launch kar diya jayega. Android me launch hone ke baad aapko iska update play store pe mil jayega. Aur iOS ke liye Apple Store se update karna hoga. Uske baad aapko Destination chunna hai. Uske baad niche bataye gaye sabhi steps ko follow kare :

  • Google Tez App Kya Hai ? Aur Google Tez App Ko Use Kaise Karen

1) Sabse Pehle Google Map ko Update kare.

2) Uske baad Google Map Open karen.

3) Ab Navigation par jaye aur Destination choose kare.

4) Uske baad Start button par click kare.

5) Ab start ke bagal me Yellow Colour ka Question Mark dikhayi dega.

activate-google-map-mario-feature


6) Us par click kare.

7) Ab Aapke saame is tarah se popup window open hogi.




8) Isme aapko Let's A Go par click karna hai.


Oh-Yeah!-Mario-Time!---Click-on-Let's-A-Go


 9) Ab aapka Navigation Start ho jayega.

10) Aur Teer ke jagah par MARIO apne car ke saath nazar ayega.



Aap Video Dekh kar bhi samajh sakte hai. Niche diye gaye video me Hindi me step by step pura process bataya gaya hai. Aur Live Demo karke bhi dikhaya gaya hai.  ↓↓↓↓





To Ye tha Google Map ka Naya Mario Feature. Ummeed karta hu ki aapko ye post pasand ayi hogi. Agar koi sawal ya sujhao ho to niche comment karke jaroor bataye. Iske Alawa Tech Hindi Gyan ko Follow kare, Jisse ki hamare sabhi naye posts ki notifications aapko lagatar milti rahe.



Apna Kimti Samay Dene Aur Post Padhne Ke Liye
Thanks / Dhanyaawaad  ☺☺☺☺





Related Posts :

  • Google Tez App Kya Hai ? Aur Google Tez App Ko Use Kaise Karen
  • Gmail पर अकाउंट बनाने के कुछ स्पेशल टिप्स और ट्रिक्स


  • Blogger Aur Wordpress ? Konsa Best Platform Blogging Ke Liye

Ab Google Map Me Milega Mario Ka Sath | Mario Kya Hai | Kaise Istemaal Kare Ab Google Map Me Milega Mario Ka Sath | Mario Kya Hai | Kaise Istemaal Kare Reviewed by Tech Hindi Gyan on Thursday, March 15, 2018 Rating: 5

1 comment:

Powered by Blogger.