Top 10 Google Chrome Browser Secret Tricks | Which You Should Know !!!

Hello Dosto, Tech Hindi Gyan ke ek aur naye Article/Post me aap sabhi ka bahut bahut swagat hai. Article / Post Padhne ke baad, Agar aapka koi sawaal ya daut ho to Comment karke jaroor puche. Iske alawa Is Post ko sabhi ke saath Share kare, Aur Tech Hindi Gyan ko FOLLOW / SUBSCRIBE kare, Jisse ki hamare sabhi naye post ki Notification aapko lagatar milti rahe.

Top 10 Google Chrome Browser Secret Tricks | Which You Should Know !!!



Aaj Ham aapko Google Chrome Browser ke Kuch ese Tricks ke baare me batane jaa rahe hai, Jo aap pehle se nahi jante honge. Google Chrome Browser, Duniya ka sabse jyada use kiya jaane wala Web Browser hai. Phir chahe Mobile ho ya Desktop, Sabhi me Chrome Browser ka adhik istemaal kiya jata hai. Google Chrome Browser ke andar bahut se ese hidden functions hai jo kisi aur browser me dekhne ko nahi milte hai, chahe wo computer ho ya mobile platform. Google Chrome me kayi ese features hai jinki madad se aap bahut se kaam asani se kar sakte hai. Lekin kya aapko Google ke in Hidden Features ke baare me pata hai. Agar aapko nahi pata, To Chaliye ham aaj aapko batate hai Google Chrome Browser ke 10 ese jaroor istemaal hone waale hidden features ke baare me. Jisse aap apne kaam ko aur asani se kar payenge.



Top 10 Google Chrome Browser Hidden Tricks


1) Managing Multiple Tabs (PIN TABS)

Google Chrome Browser me kaam karte samay aap multiple tabs open karte honge. Ese me bahut se Tabs open ho jane ke baad unhe dekhna aur manage karna muskil ho jata hai. Tab aap is feature ka istemaal kar sakte hai. PIN TABS Feature ki madad se aap Open Tabs ko Kam kar sakte hai. Uske baad aapko open tabs ke Fevicon dikhenge. Iske liye aapko bas us Tab par Right Click karna hai. Uske baad Pin Tab par click kar dijiye.


chrome-pin-tab





2) One Click History

Ye Feature bhi Google Chrome Browser ka ek accha feature hai. Aap Chrome me jo bhi work karte hai ya jo bhi sites open karte hai wo sabhi, History me jaa kar store hoti hai. Aur agar aapko Browsing History dekhna hai, to aap browser ki setting me jaate hai. Lekin Bina Browser Settings me jaaye aap History dekh sakte hai. Uske liye aapko upar Back Botton (←) par Right Click, Ya Mouse ke Cursor ko Hold karke rakhe. Esa karne se aapke Recent History dikh jayega.


One Click History



3) Use a Calculator

Google Chrome Browser ki ye sabse acchi aur behtareen feature hai. Aap jab bhi koi calculation karna chahte hai, tb aap is feature ka use kar sakte hai. Iske liye aap simply Chrome ke URL search box par apna calculation kar sakte hai. Alag se koi bhi Calculator ki jaroorat nahi padegi. Isse aapka samay bhi bachega.



Google-Chrome-Browser-Calculator




4) Bookmark Pages With Favicon

Kayi baar ham Browser par kuch sites ko baar baar open karte hai. kuch websites ese hote hai jinka istemaal hame bahut baar karna padhta hai. Ese me aap un Websites ko apne Chrome Browser ke home page par Bookmark kar sakte hai. Jisse aap un Websites ko One Click par open kar sakte hai. Aur aapko alag se search nahi karna padega.


chrome-bookmark-feature



5) Searching Selected Text

Is feature ki madad se aap kisi bhi word, sentences ko one click me search kar sakte hai. Jab aap Browsing kar rahe hote hai, Aur tab aapko kisi word ke baare me jaanna ho to simply us word ko select kar lijiye. Aur phir apne mouse se right click kijiye. Uske baad ek chota se popup open hoga, Usme Search Google For par click kijiye. Niche Image dekh kar samajh sakte hai. ↓↓↓↓


chrome-search-selected-text




6) Chrome Use As a Notepad

Google Chrome Browser ko Aap Notepad ki tarah bhi use kar sakte hai. Agar aap Google Chrome Browser ko, Notepad ki tarah use karna chahte hai, to aap bas apne browser ke URL search box me "data:text/html,<html contenteditable>" ye likhiye, Aur enter press kar dijiye. Aapka Google Chrome Browser, Notepad ki tarah kaam karne lagega.


chrome-notepad-feature


7) Use Video & Music Player

Aap sabhi apne Computer par video aur music player to rakhte hi honge. Lekin, Kya aapko pata hai ki, Aap apne Google Chrome Browser ko bhi As a Video & Music Player ki tarah bhi use kar sakte hai. Aap apne computer se koi bhi Music ya Video, ko Google Chrome Browser me play kar sakte hai. Uske liye aap apne computer ke kisi bhi music ya video ko sidhe google chrome browser par Drag & Drop kare. Chrome par wo music ya video automatic play ho jayega.


Use google chrome browser as a music and video player





8) Google Chrome Offline Game

Ye bhi dosto, Google Chrome Browser ka ek mazedaar feature hai, Jise use karke aap game khel sakte hai. Lekin ye game tabhi play hoga jab aap Offline rahenge. Jab bhi aap Offilne rahe, ya aap Online hai aur game khelna chahte hai to apne internet ko disconnect karke bhi is game ko khel sakte hai. Iske liye aap apne chrome browser par pehle kuch search kijiye, Internet na hone ke kaaran aapko screen par ek Dinosaur dikhega. Bas ab aap Spacebar wale botton ko daba kar is game ko khel sakte hai.


chrome-offline-game



9) Enable Do Not Track

Aap Google Chrome Browser me jo bhi Browsing karte hai, Google un sabhi activity ko jankari rkhta hai, Sabhi tarah ke Data ko Google Track karta hai. Lekin, Agar aap chahte hai ki Google aapke duwara kiye gaye Browsing data ki jankari ko Track na karen. To iske liye aapko Do Not Track Option ko Disable karna hoga. Iske liye aap apne Chrome ke Settings me jaye > Uske baad Advance Setting > ab Privacy And Security me Send a Do Not Track request with your browsing traffic ko check kar de.


disable-chrome-track





10) Save Webpage As a PDF

Kayi baar ham browser me kuch esa kaam kar rahe hote hai jisme bahut se informations hoti hai, Aur ese me ham chahte hai un pages ko apne computer par save karle. To dosto, ye kaam aap google chrome browser se aasani se kar sakte hai. Aap kisi bhi page ko apne computer par PDF bana kar save kar sakte hai. Iske liye aapko jis page ko aap save karna chahte hai, us page me aap CTRL + P botton ek saath press karen. Aur print option ko change karke, Save as PDF ko select kare.aur save botton par click kar de.


chrome-pdf-fearure




To Dosto, Ye the Google Chrome Browser ke 10 Hidden Tricks. Mujhe ummeed hai aapkoye post pasand ayi hogi. Agar aapka koi sawaal ya daut ya sujhaaw ho to aap hame comment karke jaroor bataye. Iske alawa hame bataye ki aapko ye Post kaisi lagi. Agar abhi tak aapne Tech Hindi Gyan ko Follow / Subscribe nahi kiya hai to abhi kar lijiye, Taaki hamare sabhi naye post ki jankari aapko lagatar milti rahe.



Apna Keemti Samay Dene Aur Post Padhne Ke Liye

Thanks / Dhanyaawaad  ☺☺☺☺




Related Posts :

Top 10 Google Chrome Browser Secret Tricks | Which You Should Know !!! Top 10 Google Chrome Browser Secret Tricks | Which You Should Know !!! Reviewed by Tech Hindi Gyan on Thursday, March 01, 2018 Rating: 5

No comments:

Powered by Blogger.