WhatsApp Top 10 Cool And Amazing Tricks 2018 In Hindi

Hello Dosto, WhatsApp aaj ki duniya me sabse popular Social Messenger hai. Aaj lagbhag har insan WhatsApp use karta hai. WhatsApp to sabhi use karte hai lekin iske kayi features ke baare me abhi har koi nahi janta. WhatsApp ke ander bahut se features hai jinse sayad bahut se log anzaan hai. Isliye main aapko aaj is post me WhatApp ke Top 10 Cool and Amazing Features ke baare me bataunga. Jiske baare me har koi janna chahega. Aur in sabhi Features ke baare me har kisi ko pata hona jaroori bhi hai.


WhatsApp Top 10 Cool And Amazing Tricks 2018 In Hindi

Agar aap ke paas bhi hai ek Smartphone. Aur aap bhi use karte hai WhatsApp to is post ke sath bane rahe. Waise aapne is post ko open kiya hai, Iska matlab aap 100% WhatsApp use karte hai. To Dosto, Main aapke liye WhatsApp ko aur bhi saral bana dena chahta hu. Agar aap bhi mere baat se sehmat hai to is post ko pura padhiye. Is post ko padhne se aapko WhatsApp ki kuch khaas features ke baare me pata chalega. Jiske baad aapke liye WhatsApp use karne ka experiance aur badh jayega.




Top 10 Cool And Amazing WhatsApp Tricks 2018


1) WhatsApp Chat Archive

Sabse pehle sawaal aata hai ki Chat Archive kya hai ? Jab aap kisi chat ko bina delete kiye, logon se chipana chahte hai tb aap Chat Archive ki madad le sakte hai. Iske liye aapko - Us Chat par kuch der Tab karke rakhna hai. Uske baad ek Chat select hone par upar Teen Dots par click karna hai. Phir aapko "Archive Chat" ka option dikhega. Us par click kar dijiye. Bas aapki chat hide ho gayi. Jab aap us chat ko open karna chahte hai to apne chat section ke sabse niche "Archive 1" ka option show karega. Ya phir uper search par name search karke bhi us shat ko open kar sakte hai.



2) Hide Last Seen

Jab aap bahut jyada Busy ho, Aur kisi ke message ka reply nahi kar pa rahe ho. Tab aaap is option ka use kar sakte hai. Is option ko use karne se koi bhi ye nahi pata kar sakta ki aap Online hai. Ya aap kab online the. Hide Last Seen Feature ko use karne ke liye aapko - Settings >> Account >> Privacy >> Last Seen Option par click kare aur "No Body" kar de.






3) Add Chat Shortcuts

Jab aap kisi se bahut jyada chat karte hai, aur turant rply karte . to aap chahenge ki uska chat aapke mobile ke home screen par aa jaye. Jisse ki bina whatsapp open kiye turant us chat par reply kar sake. Is feature ki help se aap bina whatsapp ko open kiye direct chat kar sakte hai. Ab aap jis chat ko apne mobile ke home screen me lana chahte hai, Us chat par Tab kar ke rakhiye, Uske baad uper teen dots par click kare. Ab aapko "Add Chat Shortcut" ka option dikh raha hoga. is par click kar de.




4) Hide You Profile Picture (DP)

Waise to Profile Picture logon ko pehchanne ke liye hoti hai, Lekin phir bhi bahut se log Security aur Privacy ke liye apne DP ko hide karke rakhna pasand karte hai. To aap bhi apne DP ko hide karna chahte hai. To iske liye aapko apne WhatsApp par Settings >> Account >> Privacy >> Profile Photo >> No Body par click kare. Bas itna karne ke baad aapko DP hide ho jayegi. Aur koi bhi aapki DP dekh nahi payega.




5) Mute Group Chat Notifications

Sabhi ke WhatsApp par Groups hote hai. Kisi ke paas jyada, Kisi ke paas kam. Agar aapke WhatsApp me bhaut se group hai, Aur aap Group ke messages se pareshan ho jaate hai. To "Mute Group Notification ke jariye bach sakte hai. Group me Photos, Aur Videos bahut aate hai. Aur Unki Notifiaction se ham pareshan aur irritate ho jaate hai. Ese me aap Group Chat ko Open kare. Uske baad uper teen dots par click kare. Phir "Mute Notifiactions" par click kare. Uske baad 1 Year par click kar de. Esa karne se Us Group ki notification aapko 1 Saal tak band ho jayegi. Uske baad aap chahe to date badha bhi sakte hai.


6) Star Messages

Kabhi kabhi hame kuch message bahut jyada pasand aate hai, Jaise ki kisi ne hame koi joke ya shayari send ki, To unme se kuch hame jyada pasand aa jati hai. To Un messages ko aap Star karke rakh sakte hai. Jisse ki baad me kabhi bhi us message ko padh sake aur aage forward kar sake. Iske liye aapko us Message par Tab kar ke rakhna hai. Uske baad uper teen dots par click kare. Aur "Star" par click kar de. Ab agar aap us message ko kisi ko send karna chahte hai to WhatsApp par upar teen dots par click kare. Aur "Starred Messages" par click kare. Ab yahan se aap message ko send kar sakte hai.




7) Set Custom Notification

Custom Notification ka matlab hota hai, Har Chats ke liye alag alag notifiactions tone set karna. Matlab ye ki maan lijiye aap kisi ek contact se jyada chat karte hai, aur aapko unka reply turant karna hota hai. to ese me aap is chat ki notification tone change kar sakte hai. Esa karne se, jab bhi inka message aayega to notification me alag tone bajega, Jisse aap bina dekhe samjh jayenge ki ye message kiska hai. Iske liye aapko Us Chat ko open karna hai, Jiski notification tone change karna chahte hai. Uske baad Chat Info >> Custom Notification >> Ab Koi Tone Select Kare. Phir Notification Set kar de.




8) Low Data Usage
Jab aap WhatsApp par call karte hai to aapki data jyada kharach hoti hai. Ese me aap Low Data Usage ko On kar sakte hai. Esa karne se calling karte samay bhi aapki data kam kharach hogi. Low Data Usage ko On karne ke liye - Settings >> Data And Storage Usage >> phir sabse niche "Low Data Usage" ke Option ko Tick kar de.






9) Change Chat Background

Is Feature ke baare me sayad aapko pata hoga. Kyunki ye whatsapp ki bahut purani feature hai. Lekin phir bhi agar aapko nahi pata to main aapko bata deta hu. Is Feature ki help se aap chats ki background ko change kar sakte hai. Iske liye aapko kisi Chat ko open karna hai. Uske baad uper teen dots par click karna hai. Aur Wallpaper par click karna hai. Uske baad Uske baad wallpaper choose karne ka option ayega, aap koi bhi wallpaper choose kar sakte hai.

10) WhatsApp Account Delete Kaise Kare

Waise to WhatsApp koi delete nahi karna chahega. Lekin agar kisi wajah se aap WhatsApp delete karna chahte hai to uske liye aapko WhatsApp Ke Settings >> Account >> Delete My Account par jaana hai. Uske baad apna number enter kare. Aur Delete par click kar de. Yaad rakhe ek baad WhatsApp Account Delete kar dene ke baad Aapki Saari data delete ho jayegi, Aur aap sabhi Group se left ho jayenge.




To Dosto, Ye The WhatsApp ke kuch khaas features ke baare me. Mujhe ummeed hai ki aapko ye post pasand aayi hogi. Aur mere bataye gaye sabhi points samajh me aa gaye honge. Agar aapka koi sawaal ya daut hai to aap hame comment karke puch sakte hai. Iske alawa Tech Hindi Gyan ko FOLLOW kare. Jisse ki aapko hamare subhi naye post ki notification lagatar milti rahe.




Apna Kimti Samay Dene Aur Post Padhne Ke Liye
Thanks / Dhanyaawaad  ☺☺☺☺




Related Post :

WhatsApp Top 10 Cool And Amazing Tricks 2018 In Hindi WhatsApp Top 10 Cool And Amazing Tricks 2018 In Hindi Reviewed by Tech Hindi Gyan on Wednesday, April 04, 2018 Rating: 5

2 comments:

  1. Nicw Article Also Read This 5 Killer Whatsapp Tricks Hindi/Urdu http://pakistanihelper.com/2018/08/10/5-killer-tricks-of-whatsapp-hindi-urdu/

    ReplyDelete

Powered by Blogger.